ആമുഖം

പ്രളയ ദുരന്തങ്ങളും മഹാമാരികളും തുടർച്ചയായി കേരള സമൂഹം നേരിട്ടുകൊണ്ടിരിക്കുന്നു. അതിജീവനക്ഷമതയുള്ള ഒരു കേരള സമൂഹം എന്ന മഹത്തായ ലക്ഷ്യം നേടുവാനായി സംസ്ഥാനത്തെ മുഴുവൻ ജനങ്ങളെയും പങ്കെടുപ്പിച്ചുകൊണ്ട് അവരുടെ അറിവും ആശയവും അനുഭവവും കൂടി ഉൾപ്പെടുത്തി “നമ്മൾ നമുക്കായി” എന്ന പേരിൽ ഒരു ദുരന്ത നിവാരണ ക്യാമ്പയിൻ സംസ്ഥാന സർക്കാർ നടപ്പിലാക്കി വരികയാണ്. കൂട്ടായ പ്രവർത്തനത്തിലൂടെ മാത്രമേ ദുരന്തമുഖത്ത് അതിജീവനം സാധ്യമാകൂ എന്ന് 2018-ലെ മഹാപ്രളയവും 2020-ലെ കോവിഡ് മഹാമാരിയും നമ്മെ പഠിപ്പിച്ചിരിക്കുന്നു.

അച്ചൻകോവിലാറിന്റെ തീരത്തുള്ള പള്ളിപ്പാട് ഗ്രാമപഞ്ചായത്ത് മഴക്കാലത്ത് വെള്ളപ്പൊക്കവും വേനൽക്കാലത്ത് കുടിവെള്ളക്ഷാമവും എല്ലാ വർഷവും നേരിടേണ്ടി വരുന്നു. പ്രളയക്കെടുതികളെയും മഹാമാരികളെയും നേരിടാൻ കൂടുതൽ തയ്യാറെടുപ്പോടെ, ജനപങ്കാളിത്തത്തോടെ തയ്യാറാക്കിയ ഈ ദുരന്ത നിവാരണ പദ്ധതി രേഖ പൊതുജനസമക്ഷം സമർപ്പിക്കുന്നു.

തദ്ദേശ സ്വയംഭരണ സ്ഥാപനം – പൊതുവിവരങ്ങൾ

1.1 ഭൂപ്രകൃതിയും അടിസ്ഥാന വിവരങ്ങളും

ആലപ്പുഴ ജില്ലയിലെ കാർത്തികപ്പള്ളി താലൂക്കിൽ ഹരിപ്പാട് ബ്ലോക്കിൽ ഉൾപ്പെടുന്ന ഗ്രാമപഞ്ചായത്താണ് പള്ളിപ്പാട്. തെക്ക് ചേപ്പാട് പഞ്ചായത്തും കിഴക്ക് ചെട്ടികുളങ്ങര, ചെന്നിത്തല പഞ്ചായത്തുകളും വടക്ക് വിയ്യാപുരം പഞ്ചായത്തും പടിഞ്ഞാറ് ഭാഗത്ത് ഹരിപ്പാട് മുനിസിപ്പാലിറ്റിയുമാണ് അതിരുകൾ. ഓണാട്ടുകരയുടെയും അപ്പർകുട്ടനാടിന്റെയും ഭാഗങ്ങൾ ചേർന്നതാണ് പഞ്ചായത്ത്. അച്ചൻകോവിലാറും അതിന്റെ കൈത്തോടുകളും ഈ പഞ്ചായത്തിലൂടെ ഒഴുകുന്നു. കൃഷിയാണ് പ്രധാന ഉപജീവനമാർഗ്ഗം; അശാസ്ത്രീയമായ നിലം നികത്തലും നീരൊഴുക്ക് തടസ്സപ്പെടുത്തുന്ന നിർമ്മാണങ്ങളും വെള്ളപ്പൊക്ക ഭീഷണി രൂക്ഷമാക്കുന്നു.

1.2 ചരിത്രം

ഓടനാടിന്റെ (ഓണാട്) അതിർത്തിയിൽ ഉൾപ്പെട്ട സ്ഥലമായിരുന്നു പള്ളിപ്പാട്. പഴയ കാലത്ത് ബുദ്ധമതം ഇവിടെ നിലനിന്നിരുന്നതിന്റെ സൂചനയാണ് “പള്ളിപ്പാട്” എന്ന സ്ഥലനാമം എന്ന് കരുതപ്പെടുന്നു. 1816–1820 കാലത്ത് ബ്രിട്ടീഷ് സൈനികോദ്യോഗസ്ഥനായ കാർവൻഹാർഡും കോണറും തയ്യാറാക്കിയ സർവേ റിപ്പോർട്ട് പ്രകാരം തിരുവിതാംകൂർ രാജ്യം 17 ജില്ലകളായി വിഭജിക്കപ്പെട്ടിരുന്നു; അതിലൊന്നായ കാർത്തികപ്പള്ളി ജില്ലയിൽ പള്ളിപ്പാട് ഒരു “പ്രവൃത്തി” ആയിരുന്നു.

1924-ലെ വെള്ളപ്പൊക്കം ഈ പ്രദേശം നേരിട്ട വലിയ ദുരന്തമായിരുന്നു. 2018 ആഗസ്റ്റിലെ മഹാപ്രളയത്തിൽ ഗ്രാമം പൂർണ്ണമായും വെള്ളത്തിനടിയിലായെങ്കിലും ജീവഹാനി ഉണ്ടായില്ല എന്നത് ആശ്വാസകരമാണ്. 2014, 2016, 2021, 2025 വർഷങ്ങളിൽ പക്ഷിപ്പനി ഈ പ്രദേശത്ത് താറാവ് കർഷകർക്ക് വലിയ നഷ്ടം വരുത്തി. 2020-ൽ കോവിഡ്-19 മഹാമാരിയെ ജനപ്രതിനിധികളുടെയും ആരോഗ്യപ്രവർത്തകരുടെയും കൂട്ടായ്മയോടെ ഫലപ്രദമായി പ്രതിരോധിച്ചു.

1.3 ജനസംഖ്യാപരമായ വിവരങ്ങൾ

സ്രോതസ്സ്: സെൻസസ് ഡാറ്റ 2011, വാർഡ് വിഭജന രേഖ 2011. പഞ്ചായത്തിൽ 51% സ്ത്രീകളും 48% പുരുഷന്മാരുമാണ്.

വിവിധ മേഖലകളിൽ തൊഴിലെടുക്കുന്നവർ

1.6 വിദ്യാഭ്യാസ സ്ഥാപനങ്ങൾ

1.7 ആരോഗ്യ സംരക്ഷണ സ്ഥാപനങ്ങൾ

1.8 റോഡുകളും പാലങ്ങളും

1.9 വാസയോഗ്യമായ കെട്ടിടങ്ങൾ

1.10 ജലസേചന / ജലൈശ്വര്യ സംവിധാനങ്ങൾ

1.11 നിർവ്വഹണ ഉദ്യോഗസ്ഥർ

കാലാവസ്ഥാ വ്യതിയാനം, ദുരന്ത സാധ്യതകൾ – വിശകലനം

പള്ളിപ്പാട് ഗ്രാമപഞ്ചായത്ത് പ്രദേശം വെള്ളപ്പൊക്ക ഭീഷണി അതീവ ഗുരുതരമായി നേരിടുന്ന ഭൂപ്രദേശമാണ്. ഇത് കാർഷിക മേഖലയെ സാരമായി ബാധിക്കുന്നു. ജനുവരി മുതൽ മേയ് വരെയുള്ള മാസങ്ങളിൽ വരൾച്ച ബാധിച്ച് കുടിവെള്ള ക്ഷാമവും നേരിടേണ്ടി വരുന്നു. വരൾച്ച മൂലം കന്നുകാലികൾക്ക് വേണ്ട പുല്ല്, വൈക്കോൽ എന്നിവയുടെ ലഭ്യതക്കുറവ് ക്ഷീരകർഷകരെയും പ്രതികൂലമായി ബാധിക്കുന്നു.

2.1 ദുരന്ത ചരിത്രം

• 2018 – കേന്ദ്ര–സംസ്ഥാന സർക്കാരുകൾ ഔദ്യോഗികമായി പ്രഖ്യാപിച്ച മഹാപ്രളയം.
• 2019 – വീണ്ടും പ്രളയം ഉണ്ടായി.
• 2019–2020 – കൊറോണ വൈറസ് (കോവിഡ്-19) മഹാമാരി ലോകമെങ്ങും വ്യാപിച്ചു.
• 2010 ആഗസ്റ്റ് 1 – മണക്കാട് ക്ഷേത്രത്തിനു സമീപം പടക്ക നിർമ്മാണശാലയിൽ തീപിടിച്ച് സ്ഫോടനമുണ്ടായി മൂന്നുപേർ മരിച്ചു.

2.2 പ്രത്യേക പരിഗണന ലഭിക്കേണ്ട വിഭാഗങ്ങൾ

2.3 ദുരന്ത സാധ്യതാ പ്രദേശങ്ങൾ

പള്ളിപ്പാട് ഗ്രാമപഞ്ചായത്തിലെ എല്ലാ വാർഡുകളിലും വെള്ളപ്പൊക്കം ബാധിക്കുന്നതാണ്. ഏറ്റവും കൂടുതൽ ബാധിക്കുന്ന വാർഡുകൾ 1, 2, 3, 4, 6, 7 ആണ്. ഈ പ്രദേശങ്ങളിലുള്ള പ്രധാന വിദ്യാഭ്യാസ സ്ഥാപനങ്ങൾ ഗവ.എൽ.പി.പി.എസ് തെക്കേക്കര, അങ്കണവാടി നമ്പർ 93, 95, 98 എന്നിവയാണ്.

അച്ചൻകോവിലാറിനോട് ചേർന്നുകിടക്കുന്ന പള്ളിപ്പാട് ഗ്രാമപഞ്ചായത്തിലെ 1, 3, 4, 7 വാർഡുകളാണ് ഭൂമിശാസ്ത്രപരമായി ഏറ്റവും കൂടുതൽ പ്രളയ സാധ്യതയുള്ള പ്രദേശങ്ങൾ. അതോടൊപ്പം വരൾച്ചയും ഈ പ്രദേശത്തെ ബാധിക്കുന്നുണ്ട്.

2.4 ദുരന്ത ഭീഷണിയുള്ള പ്രദേശങ്ങളിലെ പൊതുകെട്ടിടങ്ങൾ

വെള്ളപ്പൊക്കവും വരൾച്ചയും ഗ്രാമപഞ്ചായത്തിലെ കാർഷിക മേഖലയെ തളർത്തുകയും അതുവഴി സാമ്പത്തിക മേഖലയെ ദുർബലപ്പെടുത്തുകയും ചെയ്യുന്നു.

ദുരന്ത പ്രതികരണ ആസൂത്രണരേഖ (റെസ്പോൺസ് പ്ലാൻ)

3.1 ഗ്രാമപഞ്ചായത്ത് കമ്മിറ്റി

ദുരന്ത സാഹചര്യമുണ്ടായാൽ മുഴുവൻ പ്രവർത്തനങ്ങളേയും ഏകോപിപ്പിക്കേണ്ട ചുമതല ഗ്രാമപഞ്ചായത്ത് തലത്തിലെ സ്റ്റിയറിംഗ് കമ്മറ്റിക്ക് ആയിരിക്കും. ദുരന്ത നിവാരണ പദ്ധതി തയ്യാറാക്കാനും നടപ്പാക്കാനുമുള്ള ഉത്തരവാദിത്തം സ്റ്റിയറിംഗ് കമ്മറ്റിയെ ചുമതലപ്പെടുത്തിയിരിക്കുന്നു.

3.2 എമർജൻസി റെസ്പോൺസ് ടീം (ഇ.ആർ.ടി)

3.2.1 മുന്നറിയിപ്പ് ടീം

ടീം ലീഡർ: സത്താർ  ·  ഫോൺ: 8606613424. അടിയന്തിര സാഹചര്യങ്ങളിൽ തദ്ദേശ സ്വയംഭരണ തലത്തിലെ മുഴുവൻ ആളുകൾക്കും വിവരം നൽകാൻ ഉത്തരവാദിത്തപ്പെട്ട സംഘമാണിത്. ദുർബലരായ ഗ്രൂപ്പുകൾക്ക് അവരുടെ പ്രത്യേക ആവശ്യങ്ങൾക്കനുസരിച്ച് മതിയായ വിവരങ്ങൾ നൽകുന്നുവെന്ന് ഉറപ്പുവരുത്തണം.

3.3 അടിയന്തിര സാഹചര്യങ്ങളിൽ ബന്ധപ്പെടേണ്ട സ്ഥാപനങ്ങളും ചുമതലക്കാരും

3.4 ഒഴിപ്പിക്കൽ പദ്ധതി

ദുരന്ത മുൻകരുതൽ, ലഘൂകരണം, സാമൂഹ്യ ശാക്തീകരണ നടപടികൾ

4.1 ദുരന്ത ലഘൂകരണ പ്രവർത്തനങ്ങൾ

ദുരന്ത ലഘൂകരണം എന്നുദ്ദേശിക്കുന്നത് ദുരന്തത്തിന്റെ ആഘാതം കുറയ്ക്കുവാനുള്ള സുസ്ഥിര ഇടപെടലുകളാണ്. പ്രദേശത്തെ മണ്ണും ജലവും മറ്റ് പ്രകൃതി സമ്പത്തുകളും സ്വാഭാവികമായി സംരക്ഷിക്കുക, സ്വാഭാവിക അതിരുകൾ ബലപ്പെടുത്തുക, ജലത്തിന്റെ സ്വാഭാവിക ഒഴുക്കിനെ പ്രതികൂലമായി ബാധിക്കുന്ന തടസ്സങ്ങൾ ഇല്ലാതാക്കുക, പ്രാന്തവൽക്കരിക്കപ്പെട്ട വിഭാഗത്തിൽപ്പെട്ടവർ കൂട്ടത്തോടെ താമസിക്കുന്ന സ്ഥലങ്ങളിൽ പ്രത്യേക പരിഗണനയും ശ്രദ്ധയും ലഭ്യമാക്കുക എന്നിവ ഇതിൽ ഉൾപ്പെടുന്നു.

ഉൾപ്പെടുത്താവുന്ന ഘടകങ്ങൾ

4.2 സാമൂഹ്യ ബോധവൽക്കരണവും ജനകീയ പ്രതിരോധം വളർത്തലും

സാമൂഹ്യ ബോധവൽക്കരണവും ജനകീയ പ്രതിരോധശേഷി വളർത്തലിനുമായി പരിശീലനവും അവബോധ പ്രവർത്തനങ്ങളും ദുരന്ത നിവാരണ പദ്ധതിയുടെ ഭാഗമാകേണ്ടതുണ്ട്. താഴെ പറയുന്ന സംഘടനകളെ കേന്ദ്രീകരിച്ച് ഇത് നടപ്പാക്കാവുന്നതാണ്:

ശേഷികളും വിഭവങ്ങളും

5.1 വിഭവ വിവരശേഖരം

ലഭ്യമായ ഉപകരണങ്ങളുടെ വിവരശേഖരം കൈകാര്യം ചെയ്യുന്നതാണ് വിഭവ വിവരശേഖരം. പ്രത്യേക നൈപുണ്യങ്ങൾ നേടിയവരും അല്ലാത്തവരുമായ മനുഷ്യ വിഭവശേഷി, അത്യാഹിത പ്രതികരണങ്ങളിലെ അവശ്യ വസ്തുക്കൾ എന്നിവയും ഈ വിവരശേഖരണത്തിൽ ഉൾപ്പെടുന്നു.

ഗതാഗത ഉപാധികൾ

വാർത്താ വിനിമയം

ഉപകരണങ്ങൾ

മനുഷ്യ വിഭവശേഷി

5.2 സർക്കാരേതര സംഘടനകൾ / കുടുംബശ്രീ / സ്വയംസഹായ സംഘങ്ങൾ

ദുരന്തത്തിന് മുൻപും ദുരന്ത സമയത്തും ദുരന്തത്തിന് ശേഷവും സഹായങ്ങൾ ലഭ്യമാക്കാൻ കഴിയുന്ന സന്നദ്ധ സംഘടനകളും മറ്റ് സംഘടനകളും പഞ്ചായത്തിൽ പ്രവർത്തിക്കുന്നുണ്ട്.

5.3 നിർണ്ണയിക്കപ്പെട്ടിട്ടുള്ള സുരക്ഷിത പുനരധിവാസ കേന്ദ്രങ്ങൾ

സ്കൂളുകൾ, കോളേജുകൾ, കമ്മ്യൂണിറ്റി ഹാളുകൾ, ആരാധനാലയങ്ങൾ എന്നിവയിൽ സുശക്തമായ സംഘടനയുള്ളതും ദുർബലതാ സ്ഥിതി ഇല്ലാത്ത പ്രദേശത്ത് നിൽക്കുന്നതും വെള്ളം, ശുചിത്വ സംവിധാനം തുടങ്ങിയ അടിസ്ഥാന സൗകര്യങ്ങൾ ലഭിക്കുന്നതുമായ കെട്ടിടങ്ങളാണ് സുരക്ഷിത പുനരധിവാസ കേന്ദ്രങ്ങളായി കണക്കാക്കുന്നത്.

കാലാവസ്ഥാനുസൃത ദുരന്ത ലഘൂകരണ പദ്ധതിയിലേക്കുള്ള പ്രോജക്ട് നിർദ്ദേശങ്ങൾ

1. വെള്ളപ്പൊക്ക ദുരന്തം കുറയ്ക്കുന്നതിനായി ആറുകളുടെയും തോടുകളുടെയും ആഴം കൂട്ടുക.
2. താഴ്ന്ന റോഡുകൾ ഉയർത്തിയാൽ വെള്ളപ്പൊക്ക സമയത്ത് വാഹനങ്ങൾ എത്തി ആളുകളെ രക്ഷപ്പെടുത്തുന്നതിന് സാധിക്കും.
3. തളിയ്ക്കൽ ഭാഗം മുതൽ കിഴക്കോട്ട് നാലുകെട്ടുംകവല – കരിമ്പുഴ പാലം വരെ വെള്ളപ്പൊക്കത്തിൽ ഇരുപത്തെട്ടിൽ കടവ് വെള്ളം കയറി ദിവസങ്ങളോളം കിടക്കുന്നതിനാൽ റോഡ് ഉയർത്തി ഗ്രാവൽ ഇട്ട് ടാർ ചെയ്യുക.
4. കുത്തുവഴി മുതൽ ഏഴുപറകടവ് വരെ അച്ചൻകോവിലാറിന്റെ തീരം സൈഡ് വാൾ കെട്ടി സംരക്ഷിക്കുക.
5. ഗവ.എൽ.പി സ്കൂളിലേക്കുള്ള റോഡ് ഉയർത്തി സൈഡ് വാൾ കെട്ടി ഗ്രൗണ്ട് ഉയർത്തി സ്കൂൾ സംരക്ഷിക്കുക.
6. പറയശ്ശേരി മുതൽ കുരീപ്പുറം ഇരുപത്തെട്ടിൽ കടവ് വരെ ഇരുവശവും സൈഡ്വാൾ കെട്ടി റോഡ് സംരക്ഷിക്കുക.
7. ആഞ്ഞിലിമൂട് പാലം മുതൽ പറയശ്ശേരി പാലം വരെയുള്ള ഭാഗത്ത് സി.സി.ടി.വി ക്യാമറ സ്ഥാപിക്കുക.
8. ദുരിതാശ്വാസ കേന്ദ്രങ്ങളായി പ്രവർത്തിക്കുന്ന കെട്ടിടങ്ങൾ വെള്ളം കയറാത്ത തരത്തിൽ ഫൗണ്ടേഷൻ ഉയർത്തി നിർമ്മിക്കുക; പ്രഥമികാവശ്യങ്ങൾക്കുള്ള സൗകര്യങ്ങൾ കൂടുതലായി ഏർപ്പെടുത്തുക.

പ്രധാന ഫോൺ നമ്പറുകൾ

വാർഡ് തലത്തിൽ ശേഖരിക്കേണ്ട അനുബന്ധ വിവരങ്ങൾ

സ്രോതസ്സ്: ദുരന്ത നിവാരണ സേനാ സർവേ. ഈ വിവരങ്ങൾ ഭാവിയിലെ വാർഡ് തല ദുരന്ത പ്രതികരണ ആസൂത്രണത്തിന് അടിസ്ഥാനമായി ഉപയോഗിക്കാവുന്നതാണ്.